احه احه احه

واللي بيتضايق من الكلمة ديه يحاول يقولها وميبقاش متحفظ
هتلاقيها معبرة جدا في اوقات كتير او بتقولها وانت متضايق فابتطلع اللي جواك وبتعترض عليها بطريقة عنيفة بس بترتاح وبتحس انها بتعبر اوي عن الموقف
صاحبك كلمك قالك مش هايجي وانت واقف مستنية نص ساعة...... احه
كلمة رئيس التحرير في الاهرام .... احه
ابراهيم عيسى بيتحاكم بتهمة نشر الشائعات والاضرار بمصلحة البلد والتسبب من خروج اسثمارات بقيمة 350 مليون جنيه .... احه
ابوك يبضن عليك ويقولك أي حاجة تنرفزك ويقولك متنزلش النهارده .... احه
وغيرها كتييير اوي هبقى امخمخلكم شوية واقولها
واحد فكيك اوي يقولي انت بتكتب كلمات خارجة في البلوج بتاعك ... احححه اححه احححه وانت مال اهلك هوا كان بلوج ابوك مش عاجبك متخش
قولوا احه هتلاقوا حياتكم احلى

وانتظروا المزيد ولو مكتبتش مش عايز حد يقولي مكتبتش ليه تاني احححه

متزعلش ياعلي

انا مبسوط جدا ان بوست اغاني أثر فيك ورفع من معنوياتك فاكر ساعتها لما كنا قاعدين على التكعيبة وقلتلي ساعات بتعمل حاجات حلوة في حياتك. كان قصدك انك افتكرت اليوم ده وضحكت
عايز تعرف اني علطول هبقا معاك,هوا الواحد هيلاقي اتنين اصحاب زينا
بغض النظر عن الكلام اللي سمعتو من عمرو وعلى فكرة هوا كله صح بس متدخلش نفسك في مود وحش ياعلي لو لقيت نفسك متضايق اسمع اغنية بتحبها روح مكان مرحتوش بقالك كتير قابل ناس جديدة امشي في الشارع وبص ع الناس وحس بيهم هتلاقي همومهم اكبر من همك بكتير مشكلتك ياعلي ان طيزك تقيلة شوية لأ مش شوية ديه تقيلة أوي بس حط في دماغك انك عشان تبدأتعمل حاجة ديه اصعب حاجة وبعدين العجلة بتمشي
طب انا عندك اهو فياوقات كتير اوي مش بلاقي حاجات اكتبها وبحس اني مخنوق اوي وممكن اقرر اني اسيب البلوج او اقفله وفكرت في كده من قبل بس بقعد نفسي على الكرسي واجيب ورقة وقلم وباكتب والعجلة بتمشي قبل كده مكنتش باصلي ودلوقتي الحد لله بدأت اواظب عشان اتعودت ولقيت نفسي بعمل حاجة مرتاح فيها
والله انا ساعات كتير اوي بفتكر كل الكلام اللي بينا والجمل بتاعتنا المميزة وكلامنا الجد وفضفضتنا والتجارية وياسميناوجاد البنك المركزي والسفن والعربية الفيوراوالمكنة وكل حاجة هتلاقي نفسك بتضحك من جواك
اضحك ياراجل متخليش الحزن يخش قليك وعلى العموم لو محتاج حب جديد في حياتك كلمني انا منتظراك طب انت عرفت سكة البيت
اضحك
ونرجع تاني ونقول برضه ان .... ديه بنت قحبة طبعا انت هارش معايا

سلام يا مناضل ولا انت عليز الللقب يروح منك لأ والله ازعل

دكتور سعد.. احييك

انهارده كنت في زيارة لبيت شخصية محترمة جدا. دكتور سعد صديق لوالدي وانا اعرفه كويس. قد ايه الشخص ده متواضع بالرغم من مكانته العلمية الكبيرة قد ايه هوه شخص تحب انك تقعد معاه وتسمعه وهوا بيكلمك عن لقاءاته مع السادات وازاى كان بيتكلم مع يوسف والي/عمر سليمان واخرون
واحد غيره كان اتفشخر وقال انا بعمل وبسوي بس هوا هوا بيتكلم بطريقة بسيطة ومتواضعة وتحس انه ابن بلد
د.سعد احد خبراء مصر في مجال الزراعة عرضت عليه اسرائيل انه يشتغل معاهم مقابل مبالغ مالية كبيرة ولكنه رفض زي مابنشوف في الافلام بس

د.سعد احييك

تنويه عام

قد تكون معظم البوستات صغيرة مش طويلة وانا ساعات كتير مابيبقاش ليا خلق على الكتابة كتير بس عشان انا بحب اقول الفكرةوالموضوع اللي في دماغي واخليكم تفكروا بطريقتكم لأن مش المطلوب مني اني اكتب موضوع طويل عشان مش بكتب تحقيق صحفي او مقال في جرنان انا بطلع اللى جوايا ويطلع زي مايطلع متخنوقنيش بقى هوا كده واذا كان عاجبكم

أغاني

عارفة احلى حاجة فيكي............ انا وعلي في العربية بتاعتي وطالعين من كده رضا وماشي بسرعة على الكورنيش وبنقلد خالد الصاوي في الفيلم "طب يلا انشا الله اموت في هواكي انشالله ...."

بحب فيك عمرو مصطفى......

بحب الاغنية ديه قوي عشان بتفكرني لما كنت راجع من الساحل انا وكراملا وديفا وكانت شغالة على ال اى بود بتاع ديفا عجبنى أوي لحنها بتديني احساس بالتفاؤل

قالتلي قول.....

ايام المؤتمر كنت رايح انا وعمارة ونادين الهيلتون عشان نظبط حاجات في الجالا دنر وقعدوا يشرحولي الاغنية ويرخموا عليا وناديت بتغني بصوتها الزنان

أهلا بيكم وحلقة جديدة في ساعة مع ......حمززززة

عفوا ... المواطن الذي طلبته غير موجود بالخدمة حاليا... ولا هيكون بالخدمة أصلان عشان مالوش لازمة

بيقولك الأمم المتحدة قررت أنها تعمل استبيان . الناس دول شايفين ان الناس بقت كتير اوي واكيد في ناس ملهاش لازمة عشان كده قرروا انهم يسالوا الناس سؤال واحد انت ليه المفروض تعيش؟؟ هتفرق في ايه لو مت او عشت

يعنى انت بروح امك مش عالم في الذرة ولا رائد فضاء ولا أديب وروائي
دا انت حيالله حته طالب في هندسة وزيك زي اي شاب في مصر
؟؟؟؟؟؟؟؟؟؟؟؟؟؟

والله الراجل ماقلش حاجة غلط انا فعلا ممكن اكون زي اي حد بس متهيألي ممكن اكون أثرت في حياة ناس حواليا ممكن اكون خلتهم يعملوا حاجة كويسة.
انا في بنت بحبها أوي ووجودي في الحياة ليها معنى عشان انا مش عايش لنفسي انا نصي التاني ليها يمكن احلامنا بسيطة اوي بس انا متاكد ان وجودنا مع بعض هيخلينا مواطنين صالحين أو حتى لما تنصح واحد صاحبك بحاجة كويسة يعملها او حتى في وجودك مع نفسك وكونك متصالح مع نفسك بيأثر فيك وبيخايك انسان ليك معنى وكيان. كلنا بنتوه جوه الدنيا وبياخدنا من حاجات كتير أوي بس بص جواك ولمعنى انك تكون انسان في محيط يسمى كرة أرضية

فكر مع نفسك ولو تهت ارجع تاني واسأل نفسك... انا لازم اعيش عشان متألش من الامم المتحدة
في فيلم اسمه " pay it forward" الفيلم ده بيحكي عن قصة ولد المدرس طلب منه انه يعما حاجة لخدمة المجتمع
فكر وقال انا لو عملت حاجة خير أو علمت اتنين حاجة كويسة فا ممكن الاتنين دول يعملوا نفس الموضوع مع اتنين تانين وهكذا
قد ايه فكرة بسيطة ممكن تخلي ليك معنى

فكروا كويس هرجعلكم تاني

وحشتني يا بلوجي يا حبيبي وحشني لونك البيج والكحلي وحشني قلة أدبك وحريتك متزعلش مني راجعلك بحبك

أم الناس المصطنعة @@#$%!@$%//**

قريبا

From the movie "v for vendetta"

It seems strange that my life should
end in such a terrible place but for
three years I had roses and apologized to no one.
I shall die here. Every inch of me shall perish...
every inch but one.
An inch. It is small and fragile
and it's the only thing in the
world that's worth having.
We must never lose it or give it away.
We must never let
them take it from us.
i hope whoever you are that you escape this place.
I hope that the world turns and things get
better. but what i hpoe most of all that you
understand what i mean when i tell you that
eventhough i don't know you and eventhough
that i may never meet you, laugh with you, cry with you
or kiss you, i love you with all my heart.i love you.

Valerie