أنا مش في الموود؟! ومين سمعك!!

بامسك القلم واكتب اللي حاسس بيه.

هي : نوبة حب رائعة في ليلة من ليالي الشتاء القاهري الساحر.دخلت تستحما وولعت سيجارة وانا قاعد بتدفا تحت البطانية.في الوقت ده بذات بتلاقي دماغك رايقة أوي وحاسس ان جواك مشاعر كتيرة عايز تتكلم عنها.
لحظات من الخلوة بينك وبين نفسك.و تفضل تفكر في اللي دار بينك وبين عشيقتك لما حسيتوا انكم انتوا الاتنين اتخلقتوا لوحدكم وان اللي بينكم ديه حاجة (ءاكسكلوسيف) ليكم انتوا بس في وقت ماتت فيه دوشة بره واتولدت حياة جديدة بينكم.
الراجل رمى قناعه اللي لابسه اليوم بطوله وكبريائه واسمه وشكله وبطاقته ورجع لفطرته اللي خلت أهم علاقة في الدنيا أبسطها.
بس انا شوية وطالع بره للدوشة, هسيب الموود اللي قابلت فيه نفسي واقوم من السرير والبس هدومي,ومش ها نسى البس الراجل اللي أخد مني اسمي وشكلي.
طب ما تفكروا معايا: هوا كل واحد فينا جواه ملامح من شخصية معينة بتطغى في وقت الغزالة وبتحاول تظهر بوضوح؟
طب ليه مبتجييش تقعدي معانا بدل مابتدوخينا ونقول احنا مش في الموود,
اقولك سيبها براحتها.لما بتيجي بيكون طعمها حلو أوي والله وليكي وحشة.

حد فيكم اتفرج على فيلم "ناجي العلي"؟

حبيت حنظلة أوي.صغير بس قادريقف في وش الكبار.حبيت حواره مع ناجي.(أكتر مشهد عجبني

في حاجة في الفيلم شدتني وهي تصويره للمقاومة الفلسطينية في لبنان(وبغض النظر اني مفهمش في
الموضوع ده كتير) بس مشهد البنت اللبنانية اللى بتحب الفلسطيني وبتجري وراه وهما طالعين من لبنان و بتديله الخاتم كان مؤثر أوي.
الرجالة بترقص مع النسوان وقال ايه رايح يجبلي شجر برتقان من فلسطين.بس عمنا ناجي مقصرش وسقا الزرع وهاتك يارسم في التخاذل,عفوا-التعريص-العربي.بس لما تيجي نفكر فيها هتلاقي ان وقتها كان في احتلال اسرائيلي يعني حاجة جيالك من بره. حط نفسك مكان ناجي هتلاقى نفسك بترسم الاسرائيلية والجنود والجيش زي ناس كتير أوي بيبصوا للمشكلة لما بتيجي من بره و من جوه: ادينا عايشين.اهو بردو واحد مننا وبيحكمنا بدل مايجي حد غريب ويمسكها.(بذمتك "بيحكمنا"و "يمسكها" مش بتسمعها كتير من الناس.مش عارف ليه بحس ان احنا خرفان لما بسمع الكلمتين دول بس ماعلينا).
وافتكرت من كام يوم كنت بتكلم مع واحد صاحبي على نظام مبارك واستبداده.قاللي حاجة استفزتني جدا. قال ايه ياسيدي "على الأقل سايبنا ناكل ونشرب ونعيش من غير حرب." مش قلتلكم شوية خرفان!
وتلاقي ناس تقولك احنا واسرائيل متعادلين هما في 67 واحنا في 73.على الاقل مش زي البلاد التانية (بحس انهم شمتانين فيهم).
لو الناس ديه تفكر ان احنا متعادلين مع اسرائيل أكتر حاجة ممكن تثبت ان احنا بنبص للحاجة لما تيجي من بره.بس دلوقتي هما فين واحنا فين. احنا اللي ضيعنا نفسنا بنفسنا وفي الاخر نسمع برده "اهو احسن من غيره"و"ومنعرفش مين هايجي بعده": احه
انا بقى هاقول (هوفين "غيره" ده. هو خلا الاستاذ المحترم "أ.غيره" يظهر أو حتى يقول انا اهو. ده مخلاش حاجة وحشة الاوعملها في البلد ديه.وفي الاخر يقولك احسن من غيره وسايبنا نعيش.نشكر سيادة الرئيس انو سايبنا نعيش.لأ, ده كتيرأوي علينا يا فندم.) :لا تعليق
-وفي الاخر احب اسأل زي ماسأل محمود الجندي في الفيلم : هي الجيوش العربية مش هتيجي؟
الاجابة:موت ياحمار.موت ياهبل يابن الاهبل.

سلام ياناجي. مناضل مننا وفينا.


http://najialali.hanaa.net
لمشاهدة المزيد.