هوا انا لما اقول لحد انا بكرهك ممكن يكون عيب يا سيدي ده رأي وانا حر فيه ومنعا لحدوث اي لبس او مشاكل وانتوا عارفين طبعا مبروك علينا التهمة يارجالة فانا بقولها دلوقتي انا بكره الشخص اللي اسمه محمد حسني مبارك بشخصه وليس صفته ايوه بكره وكره شخصي ومش عشان هوا رئيس الجمهورية لأ عشان شخصه هوا خلاه لما عنده سلطة وبقى الحال زي مانتوا شايفين لما الدنيا تكون زحمة بكرهه وانا بعاني من الكلية من البروقراطية والتعنت ونظام التعليو والتلقين من اول ابتدائي لحد جامعةوخلاناحمير وبعترف بكده ان نظام التعليم خلانا خرفان بنتجر في القطيع و بكره مبارك ولما تكون في المنرو وتلاقي العيال بتوع المعاهد والدبلوم شوية اشكال ضالة المفروض التعليم الصناعي فيها ليه قيمة ومعندهمش ريحة الاخلاق وكل اللي بيعملوه بيسمعوا نغمان موبايل بكرهه ولما يبقي اللي مبيشربش حشيش يبقى حاجة غريبة بكرهه ولما تلاقي امين شرطة ابن قحبة اللي اتصرف عليك في سنة مايجيش اللي اتصرف عليك في عمرك يتنطط على الخلق ويتقاله ياباشا بكرهه وطبعا لما الطريق يتقفل عشان موكب سعادتهم يتسب الدين وبتكرهه ولما تعدي على مستشفى في شارع الجلاء وتلاقي ستات كبار زي أمي وأمك متبهدلين في الشارع يطمنوا على ولادهم أو بيحاولوا يخليهم يتعالجوا على نقفة الدولة بتكرهه ولما سواق تاكسي بيشتغل موظف الصبح وبيقبض 250 جنيه وبعد كده يشتغل على العربية ويرجع البيت مهدود عشان يصحى الصبح في نفس الساقية وي الاخر يقول الغلبان الحمد لله اهي مستورة وفي باب مقفول علينا يبقى لازم تكرهه ولما يقولك انا باقي في الحكم مادام قلبي ينبض مكفاهوش 26 سنة وافتكر نفسه الاله يبقى تكرهه وتعديل دستوري باطل وانتخابات مزورة مش عايش بكرامتك وتنزل تقول كلمتك في الشارع يطلع عين اهلك ويدي وسام لجون ابي زيد الامريكاني اللي بكلمة منه اللاف الناس بتموت في العراق وسام مش عارف ايه يبقى لازم تكرهه ولما قاضي يبقى ليه هيبة يتضرب يبقى لازم تكرهه ولما تلاقي ناس ملهاش تمن ومعاهم فلوس متعرفش جابوها منين بتكرهه ولما تبقى في جامعة القاهرةوتحن انك في حديقة الفسطاط مش في جامعة بتكرهه ولما يكون حوالي 44 في الميه من الشعب تحت خط الفقر بتكرهه والبطالة 17 في الميه بتكرهه ولما تقول فيرونيكا "هل فيه واحد فيكم ركب انوبيس زحمة اويىولقى ست شايله ابنها على كتفها وراجل عجوز ماسك انبوبة البو في ايده وخايف من الخنقة عمركم ركبتوا تاكسي والسواق قعد يحكي على مصاريف المدرسة والواد ابنه اللي عنده ورم وقسط التاكس اللي اتأخر عمركم اتخانقتوا مع سواق مكروباص عشان مزود العدد وكل شوية يسب الدين وحد يقوله والنبي ياسطى تغير الشريط ابن القحبة في نهار رمضان عمركم قدمتوا ورق عشان القوميسيون الطبي ولا عديتم على مبنى وزارة الصحة ولقيتم في الشارع الجانبي يجيي الف بني ادم واقفين مستنين قرارات العلاج على نفقة الدولة عمركم زرتم عنبر العظام او الحريق في القصر العيني عمركم شفتم فصل مدرسة فيه مييت تلميذ ولا اجرتم كراسي في مدرج كلية تجارة.........."
قولي كده عمرك حسيت ان مبارك الاب الحنون الزعيم عاملك حاجة حسيت فيها ان الراجل ده كويس على فكرة انا بكره التعميم وممكن واكيد حسني ميعرفش حاجة عن الحاجت ديه بس هوا برده مسئول عنها عشان محاولش يعرف لما الناس الشقيانة ديه بتتعب وتكفر وتتجرح صعب اوي انك تشيل نت قلبهم جروحها وانا بعمم وقلبي اسود اوي عشان بكره اوي اوي
طبعا اكيد انا قلبت المواجع وفيه كتيير جوا الواحد ومحتاج عشرين بلوج عشان اكتب فيهم بس تفتكروا انه راجل كويس في بيته وفي اهله ومع ربنا بعيد عن كونه رئيس جمهورية اولا وا خيرا هوا بشر وهيمووووت انا بس بطلب من ربنا حاجة واحد واستغفر الله العظيم بس لو جالك حسني مبارك بتوبة ياريت متقبلهاش منه عشان انا هحس ان حقى وحق الملايين اللي عايشه وماتت في عهده هيضيع وانا مش هسامحه ولا عمري هسامحه على كل اللي عامله فينا يارب لما تاخد روحه تعذبه جااامد أوي يتذللك عشان يعرف انه كان فاكر نفسه كبير لأ ده فيه الأكبر محمد حسني مبارك : الى الجحيم
No comments:
Post a Comment