موكنة ... وحاجات كتير اوي جواها

قعدة صحاب
.
.
ملجأ لأي واحد يطرد من بيتهم
.
.
دخان سجاير
.
.
تسمع مزيكا وشوية ميتال
.
.
رقص وتهييس
.
.
مذاكرة
.
.
بادخل على النت واسمع مزيكا وارقص لوحدي واطلع شحنة غضب جوايا
.
.
ضربة عشرة
.
.
امشى ملط في الشقةوانام وانا سلبوتة
.
.
مكالمة رومانسية
.
.
دورات بلاي ستيشن لتاني يوم الصبح
.
.
نجيب فطير بالسجق من الراجل اللي على الناحية التانية وتبقى ريحة الشقة بنت وسخة
.
.
مكان علي يتاوا فيه لما بيجي القاهرة واهو معاه المفتاح لو حاجة حصلت بيتلقح في الشقة
.
.
ايام الكونفرنس لما بنبات انا وعلي وكراملا ونصحى متأخر ونستنى كل واحد يلبس وتلطع الناس ايام الانترفيوز شوية ادام المكتب
.
.
أحدث فبراير الاسود مع معضلة التشيكن بانيه
.
.
سوافيه منتيه ومسا مسا
.
.
كاوتش عربية بيقفل باب الحمام
.
.
مخدة نام عليها شعب مصر كله وماتوا عليها
.
.
طبق عنب وشوية عيش في التلاجة موجودين بقالهم تفريبا سنة(على فكرة اا بتكلم بجد مش ببالغ)
.
.
حشرات غريبة ممكن تتحلل وتبقى اضافة لعلم الحشرات الزاحفة
.
.
لما تقعد جواها يومين ومتعرفش الليل من النهار وتسأل هيا لساعة كام تلاقي فات يوم بحاله من غير ماتحس
.
.
لما نتجمع اصحاب كتير والاقي واحد من المقاطيع اصحابي بيخبط على الباب ومعاه مس عارف مين وبيقوله ياعم خش ياباه ده بيتنا
.
.
لما اتبضن من الناس (وده كان بيحصل كتير قبل ما تكون الموكنة مهجورة زي الايام يه) واقفل نور الاوضة اللي على الشارع عشان محدش يعرف اني جواه
.
.
لما تقعد نتفرج على أي خرا يجي على م ب س ويبقلى فيلم ابن قحبة ونتفرج عليه ونقول يخلص بس ونخش نذاكر ولا بنذاكر ولا بنتنييل ونتعب من التليفزيون وكل واحد يرجع بيته
.
.
حائط الذكريات وكل من هب ودب يكتبله كلمتين على الحيطة
.
.
"شكرا على العدوى....اللي ذاكر ذاكر......نفسي اسمع تويست اجيين وووو......خليك ساكت شوية ياحامد....."
.
.
الناس تعدي في الشارع مش عارفه ده ايه,مكتب ولا سايبر ولا بلياردو
.
.
لما سياح جامدين يعدوا في الشارع ونطلع من الشبابيك نتفرج عليهم
.
.
لما كنت بافرد ترايزة الرسم واقعد ارسم في لوح ومساقط عشان عندي تسليم بكرة
.
.
لما اكتب على البوورد البلاستيك حاجات محدش يفهمها الا انا عشان افتكر بيها حاجات معينة وفي الاخر ولا بعملها ولا بنييلها
.
.
ارمي كوباية نعناع على الحيطة واكسرها وانا بتكلم في التليفون ومتنرفز عشان اطلع اللي جوايا
.
.
زير محطوط في اوضة النوم
.
.
رسيفير نوكيا بيهنج وبطئ وانا الوحيد اللي بعرف اتعامل معاه
.
.
برص كان بيطلع ميتيني في الحمام ومش بيخليني اعرف اطرطر
.
.
انا وعمرو نهييس على علي ونفتح عليه الحمام وهوا بيستحما ونجري عليه كاوتش عربية وهوا بيشتم من برا : ياعمرو متهرجش ياعمرو اححححه
.
.
قعدة اعترافات وفضفضة
.
.
كرسي العرش
.
.
اتفرج على فريندز لغاية مازهق
.
.
سجارتين فرط يتشربوا بمزاج وانا قاعد على الكمبيوتر
.
.
شريط ليلي نهاري اول مانزل وانا وصلاح نعيد ونزيد في تنسى واحدة
.
.
اتخيل نفسي بلعب جيتار الكتريك على جويينج اندر ل ايفانسيينس وانفعل معاه المزيكا اوي و انني برقص على اغنبة نانسي عجرم انا ايه في فرحي وارقص واتطنطط
.
.
كورة تنس واقعد اخبطها على الحيطة لغاية ما مرة جت في بضاني وحرمت العبها تاني
.
.
نركب هاردات وننقل شوية حاجات ونشوف لو فيه سيكوبيه
.
.
اكتشف ان البوتجاز شغال بعد ما قعدت في الشقة تلات سنين
.
.
اكلة فراخ مشويةو ملوخية ومكرونة فرن الساعة 4 الصبح ونتفرج على فى فور فاندييت
.
.
.
.
.
.
.
.
.
شكرا ليا لكل حاجة انا عملتها وكل حاجة انا بفتكرها حصلت في الشقة اللي تحت
..
شكرا لكل من ساهم في الذكريات اللي فاتت. لو تعرف حمزة بجد يبقى اكيد نعرف الموكنة
....

من الموكنة 27\11\2007
كوباية شاي خلصتها في الكوباية بتاعت روابي