سبحان الله.....
انهارده وقفة عيد الفطر وكان من شوية عندي احساس رهيب بالوحدة.دا انا حتى كنت كاتب بوست في ورق بفضفض فيه عن وحدتي وكنت هنزله على البلوج بس قلت يمكن حاجات متهمش حد انه يقراها. وانا بقلب كده في المدونات التانية مش عارف ليه دخلت على مدونة "انسانة" وقريت فيها البوست اللى نقلته عنها.قلبى انشرح أوي لربنا ونقلته عشان لوحد قراه ربنا يهديه وياخد الثواب وانا كمان اخد الثواب
عملت الكوبي والباسيت ورحت اتوضيت وقريت سورة النبأ وقلت ابدأبالجزأ التلاتين ومع كل سورة اقراه التفسير بتاعها وافهم اكتر في كلام ربنا وقلبى انشرح اكتر للقرايه وقمت صليت ركعتين شكر لربنا على نعمه وحمده على كل شئ.صليت بخشوع اوي وحسيت بحلاوة القران وانا مبسوط اوي اني قريب من ربنا وندمت على حاجات كتير وحشة بعملها وندمت على وقت كتير ضاع بعيد عنه.
يارب اهدينا يا رب.
ربنا كاتبلى كل ده .. اني احس بالوحده واخش عل النت واقراه البوست واصلي واقرا قران وتفسير وواحد صاحبي يكلمنى من السعودية بقالنا 11 سنة منعرفش حاجة عن بعض واشوف ماما نونا وهي بتموت واعيط واحب امي وابويا اكتر ومفرطش فيهم
لا اله غيرك...سبحانك
1 comment:
دا انا حتى كنت كاتب بوست في ورق بفضفض فيه عن وحدتي وكنت هنزله على البلوج بس قلت يمكن حاجات متهمش حد
أهه هو ده اللى يتأل عليه بملء الفم أحححححححححححححححححححححححححة
لية؟لأنك من ساعة ما ابتديت تكتب و انت بتكلم عن نفسك عن حاجات تخصك تخصك انت بس موش حد تانى فا متجيش دلوقتى تقول كدة
مش كدة ولا ايه يا عم الأوستقراطى؟
المهم ربنل يهديك كمان و كمان و يهدينا أجمعين
وحمدلة على سلامة المدام من الحجاز
Post a Comment