تفتكر انك هتموت قبل يوم القيامة؟؟!!

ناس كتير اوي ممكن تفتكر انها هتعيش حياتها وهتموت وتتحاسب عن كل كبيرة وصغيرة بس يمكن مايجيش في دماغها ان القيامة ممكن تقوم في اي لحظة.بذمتك مقولتش اصل القيامة ليها علامات ولسه مابانتش وان شاء الله ربنا يهدينا وكل كلام التسويف ده كله.
طب بجد افرض واحنا قاعدين كده على القهوة جت علامات القيامة وربنا قادر على كل شيئ وقادر يخلي العلامات ديه تيجي من غير ماانت تحس بيها او تدركها وفي غفلة تلاقي القيامة قامت والبس يامعلم.
اياك تفتكر ان عشان القيامة تقوم لسه قدامها شوية او ان الدنيا فيها خير عشانماتقومش اصل عمر الناس ماهتكون متوقعة ان القيامة قربت.
اكيد الناس هتتاخد على غفلة ياترى انت جاهز ولا لأ؟
وخلى بالك الواحد يبعث على هيئة اخر حاجة كنت بتعملها.... هارشين ولا ايه
ربنا معانا ويهدينا

سبحان الله.....
انهارده وقفة عيد الفطر وكان من شوية عندي احساس رهيب بالوحدة.دا انا حتى كنت كاتب بوست في ورق بفضفض فيه عن وحدتي وكنت هنزله على البلوج بس قلت يمكن حاجات متهمش حد انه يقراها. وانا بقلب كده في المدونات التانية مش عارف ليه دخلت على مدونة "انسانة" وقريت فيها البوست اللى نقلته عنها.قلبى انشرح أوي لربنا ونقلته عشان لوحد قراه ربنا يهديه وياخد الثواب وانا كمان اخد الثواب
عملت الكوبي والباسيت ورحت اتوضيت وقريت سورة النبأ وقلت ابدأبالجزأ التلاتين ومع كل سورة اقراه التفسير بتاعها وافهم اكتر في كلام ربنا وقلبى انشرح اكتر للقرايه وقمت صليت ركعتين شكر لربنا على نعمه وحمده على كل شئ.صليت بخشوع اوي وحسيت بحلاوة القران وانا مبسوط اوي اني قريب من ربنا وندمت على حاجات كتير وحشة بعملها وندمت على وقت كتير ضاع بعيد عنه.
يارب اهدينا يا رب.
ربنا كاتبلى كل ده .. اني احس بالوحده واخش عل النت واقراه البوست واصلي واقرا قران وتفسير وواحد صاحبي يكلمنى من السعودية بقالنا 11 سنة منعرفش حاجة عن بعض واشوف ماما نونا وهي بتموت واعيط واحب امي وابويا اكتر ومفرطش فيهم
لا اله غيرك...سبحانك

أشرقت نفسي

نقلا عن مدونة انسانة
http://2insana.blogspot.com/

عرفت الوحدة طريقها لحياتى من فترة ، يمكن كان بشكل تدريجى بس فى النهاية هى الوحدة، احساس عارم ورهيب بالوحشة والفراغ القاتل وعدم الأنس بأى شئ ، واشعر بها قوية هذه الوحدة من الساعة 10 بالليل بالظبط فى رمضان ، لما ينام بابا وماما ويخرج اخويا وافضل صاحية منتظرة معاد السحور عشان اسحر والدى واصلى الفجر وانام ، وحدة تكاد تقتلنى .. ياااااااه .. هو انا ضيعفة اوى كدة
.
فى يوم اتصلت بواحدة من اقرب اصدقائى الى قلبى ، اتكلمنا شوية وابتديت احس ان الوحشة حتروح شوية بشوية ، فجأة لاقيت اختها بتناديها وعايزنها فى حاجة، استأذنت منى ونبقى نكمل كلامنا بعدين
ورجعت تانى لوحدتى ، حاولت اكلم باقى اصحابى حتى صديقة قديمة من ايام المدرسة .. مالقتش حد ، اللى مش موجودة واللى بايتة برا واللى جرس ومحدش بيرد..الحمد لله على كل حال
.
قعدت على النت من تانى رغم شعور الملل اللى بدأ يسيطر عليا تجاهه وتجاه التلفزيون ، لاقيت اخ واخت ليا اون لاين وحاولوا يعملوا كونفرنس ونتكلم كلنا سوا .. وقد كان وحكيتلهم على صحابى اللى مش لاقياهم وانى حاسة انى لوحدى فى الدنيا، حاولوا يخففوا عنى وقعدنا نتكلم حوالى ربع ساعة مش اكتر .. البنت اختها عايزة الجهاز ضرورى فأضطرت تقوم والولد جاله تليفون وحيقوم
.
جه فى بالى ساعتها صوت بيقولى : ليكى مين غيره؟؟ لا أب ولا أم ولا أخ ولا أخت ولا صحاب ولا اى حاجة بقيالك ، مالكيش فى الدنيا دى كلها غير ربنا ، ليه بتخبطى على ابواب تانية وناسية بابه هو؟؟ه
.
لاقيت نفسى بفتح المصحف وبقرا فيه كلامك ، ربنا اللى بيتكلم معايا .. ياااااااااااااااااااه ياالله
انا ليه بعدت وازاى بعدت ومين اللى بعدنى عنك
فين كنت انا من الجمال والحب والراحة والأمان ده
.
كنت مكروبة ورزقتنى بالحل ومشكلتى بتتحل اهيه بفضلك وكرمك
كنت بعيدة وموجوعة من بعدى وقسوة قلبى وبشتكى منها .. قربتنى ليك يارب
اخيرا الدموع عرفت طريق عينى ليك يارب .. اخيرا دوقت الطعم اللى احلى من الشهد يارب
.
سبحانك ولا تقال إلا لك
.
ليس العجب فى ان احبك وانا العبد الفقير ولكن العجب كل العجب فى ان تحبنى وانت الرب القدير
يارب .. ازاى مستشعرش عظمتك وانت قادر على كل شئ وانا امتك الضعيفة الفقيرة إليك
.
دينك نعمة وقرآنك نعمة وسيدنا محمد نعمة وحبي ليك وله نعمة ودموعى نعمة واهلى نعمة وخلقتى نعمة ورزقى من يوم ما اتولدت نعمة .. والله ما عارفة احصى نعمك يا الله
.
سلسبيل لما اتطعمت بحقنتين فى رجليها كانت تعبانة اوى .. البنت اللى كانت بتتنطط برجليها سبحانك مكنتش عارفة تحركهم وعمالة تعيط .. ساعتها قلت سبحانك يارب انت اللى قادر انك تخلينا نتكلم ونروح ونيجى وانت بردو قادر تخلينا مش قادرين على حاجة خالص .. يارب احنا فى نعمك ليل نهار ومش حاسين بيها .. يارب احنا وحشين اوى اوى وانت الغفور الرحيم
.
يارب ازاى محبكش وانت الكريم .. وازاى ابعد عنك وانت الودود اللطيف .. وازاى مدعيش وانت بتغضب على اللى مايدعيش
.
لا اجيد الدعاء وانت أعلم بي مني .. لما كنت ابقى عايزة ادعى الاقي يجى على بالى بسرعة دعاء سيدنا آدم عليه السلام
.
اللهم انك تعلم سري وعلانيتي فاقبل معذرتي ، وتعلم حاجتي فإعطني سؤلي ، وتعلم ما في نفسي فإغفر لي ذ نوبي ، اللهم ان أسألك إيمانا يباشر قلبي ويقينا صادقا حتي أعلم أنه لم يصيبني الا ما كتبته علي والرضا بما قسمته لي يا ذا الجلال والإكرام
.
ودايما بدعى بيه وبحبه اوى لأنك العليم وتعلم حاجتى وسؤالى ، بعدها قريت الحديث المذكور فيه الدعاء
.
قالت عائشة رضي الله عنها :لما اراد الله عز وجل أن يتوب علي آدم عليه الصلاة والسلام طاف بالبيت سبعا وهو يومئذ ليس بمبني بل ربوة حمراء ثم قام فصلي ركعتين ثم قال : ( اللهم انك تعلم سري وعلانيتي فاقبل معذرتي ، وتعلم حاجتي فإعطني سؤلي ، وتعلم ما في نفسي فإغفر لي ذ نوبي ، اللهم ان أسألك إيمانا يباشر قلبي ويقينا صادقا حتي أعلم أنه لم يصيبني الا ما كتبته علي والرضا بما قسمته لي يا ذا الجلال والإكرام ) فأوحي الله عز وجل اليه أني قد غفرتلك ولم يأتني أحد من ذريتك فيدعوني بمثل الذى دعوتني به الا غفرت له وكشفت همومه ونزعت الفقر من بين عينيه وأتجرت له من وراء كل تاجر وجائته الدنيا وهي راغمة وان كان لا يريدها .ه
.
سبحانك يارب .. بتفكرنى بيه عشان اخد الثواب ده كله .. وشرحت صدرى للقرآن والدعاء والبكاء عشان تنجينى ..يارب انا مش عارفة حكون من الناجين ولا لأ .. بس ظنى فيك خير مش عشان انا اهل النجاة انا مقرة ومعترفة بكل ذنوبى وتقصيرى بس عشان انت ارحم الراحمين واكرم الكرمين
.
عايشين فى الدنيا وبنجرى فيها وماسكين فيها بإدينا وسنانا يا جماعة وهى مش بتاعتنا ، والله العظيم ما بتاعتنا .. لسة قارية خبر وفاة عضوة من اعضاء منتدى الأستاذ عمرو خالد .. بنت لسة فى الجامعة توفت هى واهلها وخطيبها فى حادث
.
بالله عليكم الدنيا دى دامت لمين؟؟ .. واحنا ليه ماسكين فيها اوى كدة مع انها مش بتاعتنا، كل شئ وله نهاية وزى ما قولنا خبر وفاة شيماء الله يرحمها فى يوم حيجى يوم وحيقولوا خبر وفاة كل واحد فينا والحياة حتستمر باللى فيها والكل حينساك ،سبحان الله اهلك اشد الناس حبا فيك حيبقوا احرص الناس على دفنك يوم وفاتك .. الكل حينسى والله .. اهلنا واصحابنا وازواجنا وعيالنا .. مش حيفضل معانا غير أعمالنا بس
.
اقفوا مع نفسكوا شوية يا جماعة وفرصة اننا فى رمضان .. شوف انت مسؤل عن ايه ومضيعهوش .. شغلك ، ابوك وامك ، اطفالك ، زوجتك / زوجك ، اهلك ، جيرانك
.
عيشوا بما يرضى الله يا جماعة .. إن البر شئ هين ، وجه طليق ولسان لين ، دعاء ناس ليك بعد وفاتك كنت بتعاملهم كويس ممكن ينجيك ، خير كنت بتعمله ، بر بأهلك وبأبوك وأمك
.
اتقوا الله واعملوا للآخرة حتكسبوا الدنيا والآخرة
.
والله انا بذكر نفسى معاكم وبالله عليكم ادعولى بالهداية والمغفرة والنجاة
اللهم إنك عفو كريم تحب العفو فاعفو عنا جميعا يارب العالمين اللهم آمين
السلام عليكم ورحمة الله تعالى وبركاته

يانهار اسووود عمرة ومع الناس ديه طب ازاااي؟؟؟؟؟

قبل ما نطلع الطيارة.....
علي: ياجماعة مش عايزين قحبنة ونلم نفسنا الكام يوم اللي جايين عشان ربنا يباركلنا في ام العمرة بدل ما الطيارة تقع بينا.حمزة وكراملا مش عايز شذوذ ولواط احنا رايحين الاراضي المقدسة
كراملا: ايه ده ياحمزة مش ربنا قال لا تقربوا النساء . طب احنا مش نساء يبقى عادي بقى وبعدين حمزة هيكون يجنن في ملابس الاحرام
عمرو: لأ ياكراملا انا كده هبدأ اغير ولله ياكراملا لو عملت كده هطلع ملاديع اهلك جوه الحرم وهنيكك في الحفلة وهخلي امة محمد كلها تشهد
علي: طب قولي والنبي ياعمرو شعورك ايه وانت رايح تعمل عمرة زي المسلمين كده وبتشاركهم في طقوسهم الدينية وخصوصا انك رايح مع خيرة شباب الامة وكمان حمزة رفعوا الحظر اللي عليه وبقى ينفع يخش مكة تاني
عمرو: والله يا اخ علي العمرة هي من الشعائر التي تجمع احزاب المسلمين في مكان واحد وانا بصفتى متابع للبرناج من فترة ومن مداخلتي التليفونية احب اهدي اغنية يا زوار النبي للسادة المشاهدين
علي: اححه الله يخربيتكم هتبوظولنا العمرة من اولها .........

في الطيارة......
حمزة: الا قولي يا علي هيا الطيارة لو وقعت بينا دلوقتى ايه اخر كلمة تحب تقولهالي
علي: متأخزنيش ياحاج بس انت برده مهما طلعت ونزلت حته مدرس على قدك
(حمزة يضحك بصوت عالي في الطيارة)
ايوه ايوه اقعد افشخلي في ضبك كده لما نشوف اخرتها معاك
تهبط الطائرة ويذهب معتمرونا الاربعة الى الاراضي المفدسة
ودخلنا الحرم المكي وبدانا الشعائر الدينية.....
كراملا: الا قولي ياعمرو نفسك في ايه دلوقتي
عمرو : نفسي في كاس واين عشان اعمل العمرة وانا رايق وبعديها اسكعك عشرتين طاولة
حمزة : سامحني يارب جايبلك شوية خولات مينفعلهمش عمرة في بيتك. انا قولت يمكن ربنا يهديهم بس الظاهر كده ان مفيش فايده. قدامي ياعرص من ليه.

احه vs. لا احه

احه.... الكلمة الوحيدة اللي ممكن تتحط في مواقف كتير اوي وتناسبها بحيث لا يمكن لأي كلمة أخرى ان تحل محلها

كل لما اسأل واحد من المعترضين على احه انت ايه وجهة نظرك في انها كلمة قبيحة مش بيعرف يرد او مش بقتنع
اصل الكلمة مش اهانة او وصف لشئ ما ولكن لفظ معترض على موقف ما اعتراض عنيف وليس اهانة





ياترى انت رأيك ايه مع احد ولا ضدها

احه احه احه

واللي بيتضايق من الكلمة ديه يحاول يقولها وميبقاش متحفظ
هتلاقيها معبرة جدا في اوقات كتير او بتقولها وانت متضايق فابتطلع اللي جواك وبتعترض عليها بطريقة عنيفة بس بترتاح وبتحس انها بتعبر اوي عن الموقف
صاحبك كلمك قالك مش هايجي وانت واقف مستنية نص ساعة...... احه
كلمة رئيس التحرير في الاهرام .... احه
ابراهيم عيسى بيتحاكم بتهمة نشر الشائعات والاضرار بمصلحة البلد والتسبب من خروج اسثمارات بقيمة 350 مليون جنيه .... احه
ابوك يبضن عليك ويقولك أي حاجة تنرفزك ويقولك متنزلش النهارده .... احه
وغيرها كتييير اوي هبقى امخمخلكم شوية واقولها
واحد فكيك اوي يقولي انت بتكتب كلمات خارجة في البلوج بتاعك ... احححه اححه احححه وانت مال اهلك هوا كان بلوج ابوك مش عاجبك متخش
قولوا احه هتلاقوا حياتكم احلى

وانتظروا المزيد ولو مكتبتش مش عايز حد يقولي مكتبتش ليه تاني احححه

متزعلش ياعلي

انا مبسوط جدا ان بوست اغاني أثر فيك ورفع من معنوياتك فاكر ساعتها لما كنا قاعدين على التكعيبة وقلتلي ساعات بتعمل حاجات حلوة في حياتك. كان قصدك انك افتكرت اليوم ده وضحكت
عايز تعرف اني علطول هبقا معاك,هوا الواحد هيلاقي اتنين اصحاب زينا
بغض النظر عن الكلام اللي سمعتو من عمرو وعلى فكرة هوا كله صح بس متدخلش نفسك في مود وحش ياعلي لو لقيت نفسك متضايق اسمع اغنية بتحبها روح مكان مرحتوش بقالك كتير قابل ناس جديدة امشي في الشارع وبص ع الناس وحس بيهم هتلاقي همومهم اكبر من همك بكتير مشكلتك ياعلي ان طيزك تقيلة شوية لأ مش شوية ديه تقيلة أوي بس حط في دماغك انك عشان تبدأتعمل حاجة ديه اصعب حاجة وبعدين العجلة بتمشي
طب انا عندك اهو فياوقات كتير اوي مش بلاقي حاجات اكتبها وبحس اني مخنوق اوي وممكن اقرر اني اسيب البلوج او اقفله وفكرت في كده من قبل بس بقعد نفسي على الكرسي واجيب ورقة وقلم وباكتب والعجلة بتمشي قبل كده مكنتش باصلي ودلوقتي الحد لله بدأت اواظب عشان اتعودت ولقيت نفسي بعمل حاجة مرتاح فيها
والله انا ساعات كتير اوي بفتكر كل الكلام اللي بينا والجمل بتاعتنا المميزة وكلامنا الجد وفضفضتنا والتجارية وياسميناوجاد البنك المركزي والسفن والعربية الفيوراوالمكنة وكل حاجة هتلاقي نفسك بتضحك من جواك
اضحك ياراجل متخليش الحزن يخش قليك وعلى العموم لو محتاج حب جديد في حياتك كلمني انا منتظراك طب انت عرفت سكة البيت
اضحك
ونرجع تاني ونقول برضه ان .... ديه بنت قحبة طبعا انت هارش معايا

سلام يا مناضل ولا انت عليز الللقب يروح منك لأ والله ازعل

دكتور سعد.. احييك

انهارده كنت في زيارة لبيت شخصية محترمة جدا. دكتور سعد صديق لوالدي وانا اعرفه كويس. قد ايه الشخص ده متواضع بالرغم من مكانته العلمية الكبيرة قد ايه هوه شخص تحب انك تقعد معاه وتسمعه وهوا بيكلمك عن لقاءاته مع السادات وازاى كان بيتكلم مع يوسف والي/عمر سليمان واخرون
واحد غيره كان اتفشخر وقال انا بعمل وبسوي بس هوا هوا بيتكلم بطريقة بسيطة ومتواضعة وتحس انه ابن بلد
د.سعد احد خبراء مصر في مجال الزراعة عرضت عليه اسرائيل انه يشتغل معاهم مقابل مبالغ مالية كبيرة ولكنه رفض زي مابنشوف في الافلام بس

د.سعد احييك

تنويه عام

قد تكون معظم البوستات صغيرة مش طويلة وانا ساعات كتير مابيبقاش ليا خلق على الكتابة كتير بس عشان انا بحب اقول الفكرةوالموضوع اللي في دماغي واخليكم تفكروا بطريقتكم لأن مش المطلوب مني اني اكتب موضوع طويل عشان مش بكتب تحقيق صحفي او مقال في جرنان انا بطلع اللى جوايا ويطلع زي مايطلع متخنوقنيش بقى هوا كده واذا كان عاجبكم